بمجرد ما يسمعوا إني خطبت..
بتبلّش الأسئلة..
أسئلة هدفها واحد فقط لا غير
معرفة طائفة الشخص..اللي هو خطيبي..

الأسئلة متنوعة جداً وتدل على يأس الإنسان اللي قدامي بمعرفة الطائفة
و بشكل غير مباشر التوجه السياسي
بس ما بيسألوا لأن برأيهم التوجه السياسي يعرف بمعرفة الطائفة…
(ياعمّي الليبانيز بيبل غير شكل)

الأسئلة بتكون على الشكل التالي..
من وين
من بيت مين؟ (إسم العائلة )
وين ساكن؟
شو إسمه؟(هيدا إذا فشلوا تحيد الطائفة من الأسئلة السابقة)
أهله من وين؟
وين ساكنين
إلخ إلخ إلخ….

والمشكلة إنو ما بيسألوا السؤال المباشر..
طبعاً لأنهم مش متعصبين طائفياً!!!

فأنا صراحة بناءً على هالظاهرة الجديدة (بالنسبة لي..الطائفية موجودة بجينات الليبانيز بيبل)
قررت وفّر وقتهم و وقتي ورد بكلّ صراحة و وضوح على سؤالهم (الحقيقي)*
…
شو رأيكم؟

*ردة الفعل بدها قصة ثانية