بعتذر عن كل مرة ضايقتك فيها
بعتذر عن طول لساني
بعتذر عن كل اللي عم ساويه فيكي..مش قصدي
بعتذر عن لومي إلك لمدة سنتين
أنت ماغلطتي وقتها
بعتذر عن كل مرة حس براحة كل ما تحكيني وحسك عم تدمعي على التِلفون
معليه كنت أرضي غروري وقتها إنو بُعْدِي إلو تأثير
بعتذر عن كل مرة كنت أتضايق لما تبعتيلي صور وشوفك مبسوطة
ماكان لازم كون أنانية كل هالقد وأطلب ماتكوني إلا إلي أنا بس
بعرف كل مرة بقلك رح إتغير ورح كون أحسن ورح قلل من عدائيتي
وبعرف كمان إني برجع لورا كل مرة
بعتذر لأنك أستحملتي كل هيدا
أنا محلك كنت أتمنيت لو رجعت بعدت
بعتذر لأنو ماشفتك أول مبارح..مع إنو كنت بالبيت
بعتذر لأنو قلبت كل الصور على الكمبيوتر ما كنت لاقي صورة فيها أنا وأنت سوا
ماما رح كون أحسن…والله
بحبك أنا إيه؟
كل سنة وأنت بخير

lebanese nightS