3- متى احسست بنفسك “خائنة”؟
ولا مرّة.

4- هل يمكن ان تحب المرأة رجلين في نفس الوقت؟ نقول الحب و ليس الاعجاب.
أكيد لأ…كأنو في رجال تنحب كتير لنحب أثنين وثلاثة…لحب واحد أنا بالأول!

5-إذا خذله لعديد من المرات، هل ستستمرين معه في علاقة مستقرة؟
أي ليش لأ؟؟ مثل ما أنا متوقعة منو يستمر معي إذا مريت بنفس الظروف…هيدا أكيد إذا ناوي يعرف المشكلة ونجرب نحلها…

6-ماذا ترتدين فى أول لقاء لكِ مع حبيبكِ بالوصف التفصيلى؟
شي مريح ومرتب …. و أكيد مش جديد…أحسن مايشوف حاله ومايصدق P:

7-ما هى أول فكرة ترد الى ذهنك فى اللحظات الأولى بعد دخولك “المحظور” … لا توجد خيارات للاجابة ؟
المحظور..ضحكتني هيدي…ماشي…شو خصو اللي سأل…الله يساعدها إذا مش عارف شو بتفكر أو إذا مرتاحة أو لأ بس تكون معك!!

8-سؤال بالعربية الفصحى الى العربية الفصحى، أيعقل أن تكون هيفا وهبي وجه(و غير أجزاء من الجسم لن ندخل فيها الآن) المرأة العربية من المحيط إلى الخليج، ماذا يمكن أن تفعلن لتغيير هذه الصورة، و كيف بامكاننا أن نساعدكن؟
يييي علينا…إذا زاعجة الرجال هيفا وهبي ليه هون حضرتها؟؟ حلوة المخلوقة بس بالكثير بتمثل حالها…حلو عنها بقى

9-سؤال بالعربي المشبرح(ستوبيد و ستيريوتيبيكال إذ كتير صعبة يطلع منّي سؤالين جديّين) للجميع،الكل بنعرف أنّ التركيبة البيولوجية للمرأة بتحكم عليها بيوم أويومين قصاص شهريا. نحنا بنتفهّم الموضوع، ولذلك بنحاول نتجنبكن بهل يوم لأنّو حتّى انّو نغنّجكن و بوكيه الورد مغضوب عليهم بهل فترة . فليش بتصرّوا إنّو تناقشوا المواضيع المصيرية ، قرارات الحرب والسلم ، بهل يوم بالذات ؟ إنّو ليش بيبطّل يهمكن الابراج و ماغي فرح مثلا؟
السؤال جاوب حاله…لأنو ما بسترتجو تقولوا لأ أو تعارضوا P:P:

01-إذا عجبك شاب، بتجربي تلفتيلو انتباهو، كيف؟
مابعرف…حسب الشاب..هي هيك بتجي لحالها…بجرب كون على طبيعتي..لأنو مافي أزعج من إنو ينعجب بشي مش حقيقي ويعرف بعدين

11-إذا عجبك شاب وما بادلك الاعجاب، شو بتعملي؟
بسيطة…أصلا مش عارف هو شو مرَوْح عليه (إي شايفة حالي كثير)…الفكرة إنو مابحب أركض ورا حدا

21-في مرشد بيقول انو البنت بترغب الشاب طالما انو بشكّل تحدي لها، شو رأيك ؟
معقول في بنات هيك..بس مش أنا..سبق وقلت…مابحب أركض ورا حدا..أو أفرض حالي عليه…

31-هيفاء وهبي، شادية، وفاتن حمامة: مع من تتماهين أكثر؟ (بصراحة ومن دون مثاليات. شو بدي أعملكن هيفا وهبي بتنط دغري بس تجي سيرة النسوان)
فاتن حمامة…مابعرف ليه..بحسها ydal (توضيح: مش يعني أنا مثلها!!!بس عم حاول كون..)

41-انتقي شخصية رجالية معروفة تتمتع بالكاريزما (برأيك) وتكلمي عنها
مافي حدا براسي هلق…بس في كثير…عادةً بحب اللي بيخللي الناس تحترمه حتى لو كان عدوها اللدود

ونصيحةأو تعليق أرجو نشره: لما تبلشي تحكي لصاحبك عن أسماء ولادك المفترضة (لأننبعد ما إجو وأصلاً بعد ما انفتحت سيرة زواج، إلا إذا حاطة براسك الأمومة العازبة) تأكدي إنو صادر قدامك إيام صعبة قريبة جايي.
أي أسكت حاجة تحكي…دخلك أنا!!! مرة واحد صار يحكي معي هيك و صار ينقي أسامي ومين بيجي قبل مين وكم بنت وكم صبي…

51-لماذا تنفخ المرأة في كل الزبادي كلما لسعتها الشوربة؟
لأنو معظم الأوقات بيطلع الزبادي شوربة كريمة لونها أبيض

61-هل صحيح أن المرأة تختار الشخص غير المناسب في فترة المراهقة والشباب ثم تندب حظها بعد ذلك؟
مش عاجبني هيدا وضعه صاحب السؤال….ليه التعميم؟؟؟ كل واحدة و حياتها…أنا عن نفسي لأ

71-إن كنت غير مرتاحة لتفضيلاته وممارساته في الفراش، هل تصارحينه أو تدلينه على ما تريدين وتتوقعين منه؟
طبعاً…حلوة أسكت!!

81-ما هو أسوأ موعد غرامي مر بك؟ وما هو أكثر جزء ضايقك في هذا الموعد؟
ما بعتقد كان في شي تعيس لدرجة إنو أذكره هون…

02-ما هو الموقف الذي يدفع المرأة الي تمثيل وصولها للنشوة الجنسية؟
لما تكون هبلة

12-لماذا تدعي اغلب النساء انهن لا يجدن الطبخ؟
تدعي؟؟!؟! ليه تدعي؟!؟! أنا مابعرف أطبخ…ولو بعرف بقول بعرف…

22-ذكرى وظروف اول قبلة
مادَخَلَكْ!!

32-هل تقبلين بأستمرار العلاقة التي تربطك بشخص (زوج أو عشيق) في حال مات الحب بينكما؟؟
إذا مات الحب شو بدي فيه ساعتها أو هو شو بدو فيي؟؟؟

42-هل يستحق الرجل التضحية بكل شيء من اجله والبدء معه بحياة جديدة تبدأين فيها من الصفر؟؟
لأ…أنا بضحي شوي وهو شوي…شو ناقصه؟؟