أوقفوا التعدي على الحريات في لبنان! لا لمشروع تنظيم الإعلام الإلكتروني

صارلي زمان ماكتبت هون
بس طول عمرها هالمدونة كانت ولاتزال
بوابة لأفكاري وآرائي(حتى لو ماعندي وقت كفاية لأكتبها)
وأنا متأكدة إنو هيدي حال أغلبية إذا مش كل المدونين
هيدي الحرية أو “التنفيسة” صارت مهددة

شئنا أم أبينا
مع أجندة أو بدون أجندة
مع طرف ثالث أو بدون
مع إيران أو أميركا أو ضرّاب الطبل
هالمساحة أو ماتحول منها لصحافة شعبية غيّرت المنطقة

هالمساحة صارت مصدر قلق للفاسدين والحرامية اللي ماسكين البلد
هالمساحة فتحت مجال للشعب يسأل بؤرة الفساد -المعروفة أكثر بإسم الحكومة- شو عم تعملي
ويمكن(أتمنى على الأقل) توصل لمرحلة إنو تقدر تغيّر أو تحاسب هالعصابة

هالمساحة صارت مهددة بمشروع قانون تنظيم الإعلام الإلكتروني
القانون رح يصير يجبرني ويجبركم “تسجلوا” بياناتكم مع الموقع عند وزارة الإعلام(وات ذا فاك!!)
ورح يصير ممنوع “إدارة” أكثر من موقع
و رح يصير ممنوع نشر ما يمس الآداب العامة والاخلاق(وات ذا فاك محسوبة شي؟)
هالقانون يمكن يفوتني عالحبس إذا قلت “تباً شيتّ”
عنجد بدها تباً شيتّ!!!

لتعرفوا أكثر عن تفاصيل المصيبة اللي ناطرتنا
عماد(تريلا) عنده الجواب
ساعدوا على نشر التوعية وساهموا بإيقاف القانون

ظهور هيك مشروع له تفسير واحد:

خايفين منكم وهالقانون محاولة لإسكاتكم