نبيه برّي متل العادة بيحسس الواحد إنو إستاذ بحضانة أطفال
3 نواب تحفّظوا على نفس الشي
أول رد كان قصير
تاني رد كان “نفس الجواب” القصير
ثالث رد ماكان موجود
إنو مينيموم (باللبناني)

بعدين الإنتخاب
118 صوت لسليمان
6 أصوات فاضية
و نسيب لحود أخد صوت واحد (مدري مين لي صوّت)
جان عبيد صوت واحد (كمان مدري مين)
ورفيق الحريري والشهداء صوت واحد مع تصفيق

بعد التصفيق بلشوا الخطابات
واللي بضحك كان كمية العهر والتفحيل (باللبناني كمان) لما يجي وقت الخطابات
قسم يمتنع عن التصفيق بس تجي سيرة شي
ويعوض هالإمتناع بس تجي سيرة شي تاني
مش قلتلكن حضانة؟
…

عسيرة التصفيق
أمير قطر كان البطل
وعمرو موسى ماحدا عبره
السعودي كمان..كان ضارب بوز مابيفهم

وأهم شي..التصفيق على طريقة الشعب اللبناني بعد إنتهاء الجلسة
ألا وهو….
أكيد بتعرفوا…
الرصاص
يعني بعد ماشفت طريقة أخرى للإبتهاج أو الإبتهال مثل مابيقولوا
عفواً للكلمة بس هيدا أقل شي ممكن ينقال
بابا ماشي بهالسيارة وإذ…
السيارة اللي حده أكلت رصاصة طايشة
الله يبسطكن يارب ويكبرعقلاتكن
آمين