مسطحة ورايي على التخت
هلق شفتها فايقة
شاردة بالسقف
شافت الويل منه
الله لايسامحه
عاشت معه ومع بخله كرمال ولادها
مش ولاده
ولاده رصيده بالبنك ماما بتقول

سامعتها عم تتنهد
وبتذكره كيف يعيط
ويمنن ولاده بالأكل
لولا ولادها
مابعرف إذا كانت عايشة اليوم
مش مبالغة هيدي

تحملت قرفه
وخراه
وكيف يقلها ياجاهلة
يا أمية
وهو مش أكتر من حمار
متعلم جاهل مابيفهم

من كذا يوم
بعيد الأب
مفروض بعيده
علقت فيه
اللي ماكان حدا يقلّه لأ
قالتله مليون لأ

اللي كان يربِّح ولاده جْميلة
ربَّحتة 100 ألف جْميلة
ماسكتت
ضهر من البيت
هو
مش هي متل ماكان يصير

بعدها شاردة
ماما بتقلي ناوية على شي
مش عارفة شو
بس ناويتله

أنا معها
لأنه هي أحسن مثال للمرأة المتضهدة
اللي سكتت كل عمرها
كرمال ولادها
وتعذبت كل عمرها
بسبب الرجل
لأ مش رجل هو
مش إنسان حتى